Ortalyq kommýnıkasııalar qyzmetinde «J1–Jastar1» jastarǵa arnalǵan jańa televızııalyq arnanyń tusaýkeseri ótti. Sharaǵa arnanyń bas dırektory Ilıas Iskakov, Qazaqstan Respýblıkasynyń Din isteri jáne azamattyq qoǵam mınıstrliginiń Jastar saıasaty departamentiniń dırektory Ashat Oralov, «J1» (Jastar1) telearnasy dırektorynyń shyǵarmashylyq jónindegi orynbasary Ǵalııa Shaýdyrbaeva jáne «J1» (Jastar1) telearnasynyń kreatıvti prodıýseri Alpamys Sharımov qatysty.
«J1–Jastar1» telearnasy Qazaqstan jastarynyń talaptaryn qanaǵattandyratyn zamanaýı televızııalyq trendterdi taratatyn, jastardyń jobalaryn, oı-pikirlerin qoldaýǵa, sonymen qatar olardyń arasyndaǵy ózekti máselelerdi sheshýge baǵyttalǵan jańa formattaǵy arna. Telearna 2018 jyldyń 28 naýryzynda ID TV platformasynda, YouTube jáne Instagram áleýmettik jelilerinde iske qosyldy. Bolashaqta Otaý TV kabel júıesi arqyly taratylýy josparlanýda.
«J1–Jastar1» telearnasy, eń aldymen, 14-29 jas aralyǵyndaǵy jastarǵa baǵyttalǵanymen, oqýshylar, stýdentter, jas mamandar men túrli qyzmet aıasynda jumys atqaratyn jumyskerler syndy jas urpaqtyń oıyna nemquraıly qaramaıtyn barlyq jandar úshin de qyzyqty bolmaq.
Arnanyń formaty – bul jastar ómirindegi mańyzdy jáne qyzyqty oqıǵalar. Telearnanyń kontenti ózindik óndiristegi as úıi, sán jáne sulýlyqtan bastap shytyrman, tylsym oqıǵalarǵa, sportqa, telehıkaıalar men álemdik kınematografııanyń hıtterine, áleýmettik realıtı men otbasylyq qarym-qatynas, baqyt, bala tárbıeleý jáne densaýlyq týraly tok-shaýlarǵa toly tanymdyq, bilimdik, pýblısıstıkalyq jáne oıyn-saýyqtyq baǵdarlamalardan turady. Baǵdarlamalarda tek jastardyń máseleleri, múmkindikteri men ózin-ózi tanytýy qarastyrylady.
«J1–Jastar1» telearnasy – bul búgingi tańda jastardyń ózine arnanyń mazmunyn toltyrýǵa múmkindik berip otyrǵan, esh arnalarǵa uqsamaıtyn ashyq alań usynǵan biregeı erekshe telearna.